60 ЖЫЛДЫҚ МЕРЕЙТОЙЛЫҚ МАУСЫМНЫҢ ТАМАША БАСТАЛУЫ: АЛМАТЫДА АЮХАНОВ МҰРАСЫ САХНА ТӨРІНЕ ШЫҚТЫ

Бұлат Аюханов атындағы Мемлекеттік академиялық би театры 60 жылдық мерейтойлық маусымының шымылдығын «МҰРА. АЮХАНОВ. НАСЛЕДИЕ» атты арнайы бағдарламамен ашты. Алматыда өткен салтанатты кешке өнерсүйер қауым, бұқаралық ақпарат құралдарының өкілдері және мәдениет пен өнер саласының көптеген өкілдері қатысты. Қазақстанның өнер саласындағы тарихы терең мәдениет ошақтарының бірі саналатын Бұлат Аюханов атындағы Мемлекеттік академиялық би театры 60 маусымын арнайы бағдарламамен бастады. «МҰРА. АЮХАНОВ. НАСЛЕДИЕ» деп аталған бағдарлама театрдың негізін қалаушы, Қазақстан хореография өнерінің көрнекті тұлғасы Бұлат Аюхановтың шығармашылық мұрасына арналды. Ашылу кешінде залға көрермендердің көптеп жиналуы ерекше назар аудартты. Өнерсүйер қауым театрдың 60 жылдық шығармашылық жолынан сыр шертетін арнайы қойылымдарды тамашалады. Кешке өнер саласының өкілдерімен қатар журналистер мен көптеген шақырылған қонақтар қатысты. 60 ЖЫЛДЫҚ ӨНЕР МҰРАСЫ Мерейтойлық маусымның ашылуы театр тарихындағы маңызды кезеңмен тұспа тұс келді. 2026 жылғы 20 шілдеде қабылданған шешіммен Мемлекеттік академиялық би театрына оның негізін қалаушы Бұлат Аюхановтың есімі берілді. Театрдың негізін қалаушының есімімен жаңа кезеңге қадам басуы 60 жылдық мерейтойлық маусымның ашылуына ерекше мән берді. Аюхановтың ұзақ жылдар бойы қалыптастырған хореографиялық стилі мен шығармашылық мұрасы жаңа маусымның негізгі бағыттарының біріне айналды. Театр директоры Жәнібек Өтегенов ашылу кеші мен баспасөз мәслихатында театрдың қалыптасқан шығармашылық дәстүрлерін сақтаумен қатар, жас өнерпаздарға және заманауи хореография бағыттарына кең мүмкіндік берудің маңыздылығына тоқталды. Оның айтуынша, Бұлат Аюханов қалыптастырған шығармашылық мұраны кейінгі ұрпаққа жеткізу театрдың басты міндеттерінің бірі болып табылады. АЮХАНОВТЫҢ ШЫҒАРМАЛАРЫ ҚАЙТА САХНАДА 60 маусымның ашылу бағдарламасында Бұлат Аюхановтың әр жылдары сахналаған танымал шығармаларынан үзінділер көрермен назарына ұсынылды. Бағдарламада Морис Равельдің «Boléro» шығармасы, «Вальпургия түні», «Киіз үй» және «Қыз Жібек» балетінен адажио сияқты